Жоғары аудиторлық палата мүшесі Нұрлан Нұржанов ӘМСҚ қорына жүргізілген аудит бүкіл денсаулық сақтау жүйесі мен негізгі мемлекеттік органдардың бірыңғай ақпараттық ортасының арасында байланыстың жоқ екендігін көрсеткенін айтты, деп хабарлайды inbusiness.kz сайты.
"Мәселен, Денсаулық сақтау, Ішкі істер және Әділет министрліктерінің ақпараттық жүйелерінің деректерін салыстыру кезінде шетелге тұрақты тұруға кеткен азаматтарға 8 млн теңгеге дәрі-дәрмектер ресімдеу фактілері анықталды. Келесі маңызды аспект – қаржылық тәртіп пен есептілік. Аудит кезеңінде амбулаториялық дәрі-дәрмекпен қамтамасыз ету және Тегін кепілдендірілген медициналық көмек есебінен медициналық қазметтер көрсетуге бөлінген қаражатты тиімсіз пайдалану 31 млрд теңгені, оның ішінде Ұлттық қордың қаражаты 13,2 млрд теңгені құрады", – деді ол Мәжілісте өткен Үкімет сағатында.
Тиімсіздіктің негізгі себептері сапасыз жоспарлау болып отыр, яғни уақтылы құқықтық құжаттарды бекітпеу, қалдықтарды ескермеу және т.б.
"Сондай-ақ Қормен республикалық бюджет пен Медициналық сақтандыру жүйесінің қаражаттарының пайдалануына қатысты қаржылық есептерді Қазақстан Республикасының бухгалтерлік есеп және қаржылық есептілік туралы заңнама аясында қалыптастырып, ұсынбағандығы анықталды. Бұдан басқа, Шығыс Қазақстан облысының медициналық ұйымдары амбулаториялық-дәрілік қамтамасыз ету шеңберінде жалпы сомасы 1,3 млрд теңгеге дәрілік заттар бойынша бухгалтерлік есепті жүргізбеу фактілері орын алған. Тағы бір маңызды мәселе, алғашқы медициналық-санитарлық көмекті нақты медициналық қызмет көрсетпей, яғни тіркелген халықтың жан басына шаққандағы тариф арқылы қаржыландыру тәртібі де назар аударуды талап етеді", – деді Жоғары аудиторлық палата мүшесі Нұрлан Нұржанов.
Аудиторлар Үкіметке денсаулық сақтау ұйымдарын қаржыландыру тетігін қарау жөнінде ұсыныс берді.
