Шығыс Қазақстанда екі күннен бері іздестіріл жатқан аутизммен ауыратын 12 жасар бала табылды, деп хабарлады ІІМ баспасөз қызметі.
"ШҚО-да жоғалған бала табылды. Бала тірі және сау", – деп жазылған хабарламада.
Баспасөз қызметінің мәліметінше, баланы СОБР қызметкері тапқан.
Бала өткен сенбі күні түнгі сағат 02:30-да Шығыс Қазақстан облысының Согра кентіндегі үйінен шығып кетіп, қайтып оралмаған. Бала аутизммен ауырады және сөйлеспейді.
Іздестіруге 500-ден астам адам – 350 полиция қызметкері, 100 – Ұлттық гвардияның әскери қызметшілері, құтқарушылар мен еріктілер жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
