Ресми мәлімет бойынша, бұл шара 20 наурыздан бастап 23 наурызға дейін жалғаспақ. Бұған дейін мемлекет басшысы тұрғындарды 20 наурыздан бастап қашықтықтан жұмыс істеуге шақырған болатын.
Соңғы мәлімет бойынша, Шри-Ланкада вирус жұқтырғандардың саны 59-ға жеткен. 230 кісі дәрігерлердің бақылауында. Барлығы да ауруханаға жатқызылған.
Еске сала кетсек, 11 наурызда Дүниежүзілік денсаулық сақтау ұйымы Covid-19 деп аталатын жаңа коронавирус індетін пандемия деп жариялаған болатын. Қазір әлем бойынша науқастардың саны 210 мыңнан, қаза тапқандардың саны 8 мыңнан асқан. Вирус 160-тан астам елге таралған.
Коменданттық сағат – төтенше жағдай уақытында елдімекен, қала көшелерінде арнайы рұқсат қағазынсыз жүруге тыйым салынуы.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
