Шығыс Қазақстанда көлік салығын төлемегендердің қарызы 680 млн теңгеге жуықтаған. Осылайша 25 мыңнан астам адам салықты белгіленген мерзімнен кешіктіріп отыр.
ШҚО бойынша мемлекеттік кірістер департаменті осыған дейін салықтың уақытылы төленуі керектігін айтып, хабарлаған болатын. Дәл қазір департамент өңірдегі мүлік және көлік салығын төлемегендерге ескерту жіберіліп жатыр.
Жалпы облыс бойынша 7347 адамның мүлік салығы бойынша 9,5 млн теңгеге жуық берешегі бар. Ал көлік салығын төлемегендер бұдан әлдеқайда көп.
Нақты айтқанда, 25 991 адамның көлік салығы бойынша мемлекетке 680 млн теңгеге жуық қарызы бар.
- Мүлік салығының шот-фактуралары салық кезеңінен кейінгі жылдың 1 шілдесінен кешіктірілмей беріледі. Сәйкесінше, салық 1 қазаннан кешіктірмей төленуі тиіс. Көлік салығы болса 1 сәуірден кешіктірмей төленуі керек. Салық берешегін е-Salyk Azamat мобильді қосымшасы арқылы тексеріп білуге болады, - делінген ақпаратта.
