Шымкентте 9 қараша күні 16 жастағы скутер жүргізушісі жол апатына ұшырап, қаза болды, деп хабарлайды inbusiness.kz сайты polisia.kz сайтына сілтеме жасап.
10 қарашада Шымкент қаласы полиция департаментінің баспасөз қызметінің мәлімдеуінше, 9 қараша күні сағат 19:40 шамасында Мұғалжар мен Алпамыс батыр көшелерінің қиылысында Zhweki скутері мен Kia Optima көлігінің қатысуымен жол-көлік оқиғасы болды.
Скутерді кәмелетке толмаған бала жүргізіп келе жатқан. Ол оқиға орнында көз жұмды.
Іс бойынша тиісті сараптамалар тағайындалды. Сотқа дейінгі тергеп-тексеру жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
