Бұл туралы Нұр-Сұлтан қаласының бас мемлекеттік санитарлық дәрігері Сархат Бейсенова мәлімдеді деп хабарлады inbusiness.kz тілшісі.
Сархат Бейсенованың баяндауынша, қазір аурудың апталық қарқынды көрсеткіші 100 мың тұрғынға шаққанда - 53,96%-ды құрап отыр.
"Нұр-Сұлтан қаласы "сары аймақта" тұр", – деді Нұр-Сұлтан қаласының бас мемлекеттік санитарлық дәрігері.
Оның сөзінше, барлық жастағы адамдар арасында CОVІD-19 ауруының белгілерін тіркеу жалғасып жатыр.
"Жыл басынан бері 6 707 зертханалық расталған CОVІD-19 жағдайы анықталды және 85 клиникалық-эпидемиологиялық расталған CОVІD-19 жағдайы ПТР-тестің теріс нәтижесін көрсетті. Тәулігіне 68 инфекция жағдайы тіркелді, оның ішінде 37 жағдай симптомды, 31-і симптомсыз болды. Симптомы бар науқастардың үлес салмағы қаңтар айында 65,2% болса, ақпан айына 68,09 %-ға дейін өсті. Атап айтқанда, 50 жастан асқан адамдар арасында симптоммен сырқаттану 3,5%-ға көбейді", – деді Сархат Бейсенова.
Қанат Махамбет
