Солтүстік Қазақстан облысында соңғы 3 айда желшешек инфекциясы 1078 адамнан анықталды. Оның ішінде 943-і – 14 жасқа дейінгі балалар, деп жазады inbusiness.kz.
Облыстық санитарлық-эпидемиологиялық бақылау департаменті таратқан ақпаратқа сәйкес, ауырғандардың басым бөлігі (658 адам) Петропавлда тұрады. Облыс орталығында 19 балабақшаның, ал Айыртау және Тайынша аудандарында бір-бір балабақшаның жекелеген топтарында карантиндік шектеу шаралары енгізілді.
Мамандардың сөзінше, балабақшаларда желшешекті тіркеу кезінде соңғы науқас оқшауланған сәттен бастап 21 күнге карантин белгіленеді. Медициналық бақылау ұзақтығы 21 күнтізбелік күннен тұрады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
