13 шілдеде сағат 13.30-да 101 пультіне Тұғыржап селосынан 7 км жерде, 40 га алаңда құрғақ шөп жанып жатқаны туралы ақпарат түскен. Бұл туралы inbusiness.kz тілшісі ТЖМ баспасөз қызметіне сілтеме жасап хабарлайды.
Өрт Орлиногорск орман шаруашылығының аумағын шарпып, 2,7 гектар алаңды қамтыған. Орман алқаптары мен елді мекендерге қауіп жоқ.
Қызыл жалынды сөндіру үшін Солтүстік Қазақстан облысының ТЖ департаменті бөлімшелерінің күштері мен құралдары, орман шаруашылығы және жергілікті атқарушы органдары жеке құрамынан 92 адам және 13 техника дереу жұмылдырылды.
Сағат 15.50-де орман шаруашылығы аумағындағы өрт сөндірілді. Ашық аумақта құрғақ шөптің жануы жалғасуда.
Жергілікті атқарушы органдардың мәліметінше, қазіргі уақытта өрттің ауданы 450 гектарды құрайды. Ауа температурасының жоғары (+35 градус), желдің (10-15 м/сек.) болуы, тау-тасты жер өртті сөндіруді қиындауда.
Синоптиктердің болжамы бойынша жауын-шашын күтілуде.
