Солтүстік Қазақстанда жаңа жыл алдында шыршаларды қорғау шаралары күшейтілді, деп хабарлайды 24Хабар.
Өңірде қылқанжапырақты ағаштарды сақтап қалу үшін 100-ден астам арнайы топ құрылды. Олар орман алқаптарын күні-түні күзетіп, күдікті көліктерді тексереді. Табиғат жанашырлары желтоқсанның 31-і де жұмыс істейді. Жалпы биыл облыс бойынша 500 шыршаны ғана кесуге рұқсат берілген. Оның өзі мектеп, бала-бақшаларға беріледі. Ал тұрғындар жаңа жыл ағашын сауда нүктелерінен сатып ала алады. Ескертуге құлақ аспайтындар қылмыстық жазаға тартылады.
"Осыдан бес жыл бұрын мереке алдында 10-15 адам ұсталатын. Қазір ондай оқиғалар тиылды. Адамдар шыршаны сатып алады. Соңғы 2 жылда бірде-бір дерек тіркелген жоқ", – деді облыстық табиғи ресурстар және табиғатты пайдалануды реттеу басқармасы бөлімінің басшысы Василий Лабанчук.
