Солтүстік Қазақстаннан Қарағанды облысына көмек керуені жөнелтілді, деп хабарлайды 24Хабар.
Жергілікті жұрт Шахан кентінде болған қайғылы оқиғаға ортақтасып, азық-түлік, киім-кешек жинаған. Жүк көліктеріне ет, ұн, сары май, сұйық май, макарон және тағы басқа өнімдер тиелді. Бұл кәсіпкерлер мен қарапайым тұрғындардың көмегі. Қол ұшын созғандар қаза тапқандардың туған-туысқандарына көңіл айтып, зардап шеккендердің тез сауығып кетуін тілейді.
Естеріңізге сала кетейік, Шахан кентіндегі жағдайға байланысты Қарағанды облысында қайырымдылық қоры ашылған болатын. Алтынбек Абдоллаев, облыстық ауыл шаруашылығы басқармасы басшысының орынбасары: - Қала тұрғындары, сонымен қатар ауылшаруашылық, қайта өңдеу құрылымдары – барлығы Қарағандыда болып жатқан қайғылы оқиғаға шетте қалмай, бір кісідей бір жағадан бас шығарып, бір жеңнен қол шығарып дегендей, қиын-қыстау уақытта көмек көрсетіп жатыр.
