1980-2016 жылдар аралығында әлемнің барлық елінде тұрғындардың табысы жағынан теңсіздік деңгейі өскен. Бұл туралы World Inequality Lab (WIL) ұйымы әзірлеген әлемдегі теңсіздік туралы баяндамда айтылды, деп хабарлайды .
1980 жылдан бастап әлемдегі бай адамдар кедейлерге қарағанда екі есе жоғары табыс тапқан. Атап айтқанда 1980 жылдан бастап әлемдегі табысы ең жоғары 1% адамның қалтасына әлемдік кірістің 27% түсіп отырған. Ал кедейлер қатарына жататын жер шарының 50% тұрғыны кірістің 13%-на ғана ие болған. Мұндағы 1% – 75 млн, 50% – 3,7 млрд адам.
Табыс жағынан теңсіздіктің ең шекті мөлшері Солтүстік Америка, Қытай, Индия мен Ресейде байқалған.
АҚШ пен Канадада табысы жоғары 10%-ға елдегі кірістің 34% тиеселі болған. Қытайда 1980 жылы қалталы адамдарға елдегі кірістің 28% тиеселі болса, 2006 жылы көрсеткіш 41%-ға жеткен. Индияда 1980 жылы – 30%, 2006 жылы 55% болған.
Ресейде ең қалталы 10% адам елдегі жалпы кірістің 46%-ын иеленген. Қалғаны 90% тұрғынның үлесінде. Еуропа бойынша бұл көрсеткіш - 37%.
Таяу Шығыс, Африка елдері мен Бразиялияда кірістің теңсіздігі өте жоғары деңгейде қалған. Мысалы Таяу Шығыста халықтың 10%-кірістің 61% иеленіп отырған.
Соңғы 10 жылда теңсіздік көлемі айтарлықтай өскен.
Баяндаманы жасаушылардың бірі Л.Чанселдің пікірінше теңсіздіктің болуына әр елдегі саяси бағыт үлкен әсер етеді.
