8 қазанда ер адам әйелдер колониясына жүгініп, өзін сотталған А. атты әйелдің туған ағасы екенін мәлімдеді. Жиенімен байланыс осыдан 20 жыл бұрын үзілген. Бұл уақыт аралығында А. есімді азаматшаның туыстары оның қайда екенін білмей, оны қайтыс болды деп ойлаған.
10 қазанда ер адам бас бостандығынан айыру мекемесіне жиенімен қысқа мерзімді кездесу үшін келген. Ер адамның айтуынша, ол балалар үйінен жиенінің қызын уақытша алып кетуді жоспарлап отыр.
"Енді мен оны анасы босатылғанға дейін өз қамқорлығыма алуды жоспарлап отырмын. Маған көмектескендердің барлығына алғысымды білдіргім келеді. Кім біледі, егер ол жаңалықтарда көрсетілмесе, біз тағы кездесер ме едік... Босатылғаннан кейін бізбен бірге тұрасын. Бұл туралы алаңдама, ешкім қарсы емес. Енді біз сені ешқашан жоғалтпаймыз", – деді ол.
Айта кету керек, сотталған А. 22 қыркүйекте Петропавл қаласының әйелдер колониясында өткен ашық есік күнінде балалар үйіндегі 8 жасар қызымен кездескен болатын.
