Оқыс оқиға болған жерден бейнежазбалар әлуметтік желіде тарауда. Куәгерлер жағдайдың "Ақсай" ықшам ауданы 1А, 8-үйде болғанын айтуда, деп хабарлайды inbusiness.kz.
Бұл ақпаратты Алматы қалалық Полиция департаменті растады. Әуезов ауданының полиция департаменті қайғылы оқиға ҚР Қылмыстық кодексінің 105-бабы (өз-өзіне қол жұмсауға апару) бойынша тіркелгенін хабарлады.
"Тиісті сараптамалар тағайындалды. Оқиғаның мән-жайы мен себептері анықталуда", – деп жауап берді қалалық полиция департаментінің баспасөз қызметі.
Еске сала кетсек, жуырда Алматыда кәмелеттік жасқа толмаған қыздың биіктен құлап қайтыс болғаны да хабарланған болатын. Аталған іс "Өзін-өзі қол жұмсауға итермелеу" бабы бойынша тергелуде. Сонымен қатар қазан айында НЗИ оқушысы көпқабатты үйдің терезесінен секіріп, қайтыс болды.
