Ана мен бала ұлттық орталығының директоры, белгілі дәрігер-педиатр Бекбай Хайрулин 64 жасында өмірден өтті, деп хабарлайды inbusiness.kz сайты.
"Бүгін таңертең 64 жасқа қараған шағында біздің қымбатты досымыз, әріптесіміз және мейірімді, жанашыр адам, педиатр дәрігер, UMC медициналық директоры Бекбай Еслямұлы Хайрулин ұзақ уақыт бойы аурумен күресіп, көз жұмғанын өкінішпен хабарлаймыз.
Бекбай Еслямұлы әріптестері мен пациенттері арасында ашық мінезді әрі жанашыр қасиеттерімен құрмет пен сүйіспеншілікке ие болды. Бекбай Еслямұлы бүкіл өмірін адамдарға риясыз көмек көрсетуге арнады және өзінің еңбек жолында денсаулық сақтау жүйесін дамытумен қоса көптеген адамдардың өмірін сақтап қалуға үлкен үлесін қосты. UMC ұжымы атынан орны толмас қайғыға ортақтасып, Бекбай Еслямұлының туыстары мен жақындарына шын жүректен көңіл айтамыз", - делінген хабарламада.
Айта кетейік, Бекбай Хайрулин - медицина ғылымдарының кандидаты, "емдеу ісі" мамандығы бойынша доцент, жоғары санатты дәрігер. А.В.Луначарский атындағы Астрахань мемлекеттік медицина институтын педиатрия мамандығы бойынша бітірген.
2009 жылға дейін – Денсаулық сақтау министрлігінің бас педиатр дәрігері, Емдеу-профилактика департаменті ана мен бала денсаулығын қорғау басқармасының бастығы, Медициналық қызмет көрсету саласындағы бақылау комитетінің медициналық қызмет сапасын бақылау бөлімінің бастығы, меңгерушісі. облыстық денсаулық сақтауды дамытуды бақылау департаменті, Медициналық қызмет көрсету саласындағы бақылау комитетінің Астана қаласы бойынша департаменті директорының орынбасары болған.
