"ШЫҰ қауымдастығы үшін Ауғанстанның қалыпқа келу жағы өзекті болып саналады. Қазақстан осы елді әлеуметтік-экономикалық жағынан оңалтуға баса назар аудара отырып, "ШЫҰ – Ауғанстан" байланыс тобы аясындағы ынтымақтастықты жалғастыруға дайын. Ауғанстандағы ахуалдың тұрақталуы Еуразиялық кеңістіктегі ынтымақтастықтың өрбуіне тікелей әсер етеді", – деді Мемлекет басшысы.
Президенттің айтуынша, терроризм, экстремизм мен сепаратизмді күш қолдану арқылы жеңу қазіргі таңда қиынға соғады.
"Экстремизмге, терроризмге, сепаратизмге және рухани құндылықтардың девальвациясына қарсы іс-қимыл жүргізу барысында халықтарымыздың жасампаздық әлеуетін жетілдіру үшін ШЫҰ елдерінің бірегей мәдени мұрасын дамыту маңызды деп есептеймін. Сондықтан келесі жылды ШЫҰ-ның Мәдениет жылы деп жариялануын қолдаймыз. Қару жарысының қарқынды ілгерілеуі уақытында биологиялық қаруды бақылау жүйесін іске қосу қажеттілігі өзекті болып саналады", – деп атап өтті Қасым-Жомарт Тоқаев.
"Бәріміз де биотерроризмге байланысты қатерлерді жақсы білеміз. БҰҰ Бас Ассамблеясының 75-сессиясында биологиялық қауіпсіздік жөніндегі халықаралық агенттік құруды ұсынған едім. ШЫҰ елдерінің басшылары осы ұсынысымды қолдайтынына сенемін", – деп сөзін аяқтады Президент.
Табиғат Нұрболат
