Төтенше жағдай бойынша арнайы комиссия құрылды

Газ баллон жарылған елордалық кафедегі жағдай бойынша жедел штаб және жедел желі құрылды. Төтенше жағдай кезінде қаза болған әйелдің отбасына көмек көрсетіледі. Бұл туралы Нұр-Сұлтан қаласының әкімі Алтай Көлгінов өзінің Инстаграм парақшасында жазды.

"Газ баллон жарылған кезде бөлмеде болған әйелдің отбасы мен туыстарына көңіл айтамын. Марқұмның отбасына көмек көрсетіледі. Төтенше жағдайды тергеу үшін арнайы комиссия құрылды. Жедел штаб құрылып, психологиялық және ақпараттық қолдау көрсету үшін жедел желі 24-51-71, 24-51-47 құрылды.

Төтенше жағдайлар департаменті мен полиция департаментіне қаладағы басқа да қоғамдық тамақтану нысандарын өрт қауіпсіздігі ережелерінің сақталуын тексеруді тапсырдым", – деп жазды Алтай Көлгінов.

Еске салар болсақ, 21 қараша күні сағат 12.25-те Нұр-Сұлтан қаласында дәмхана етіп жасалған коттеджде газ баллонының жарылып, соның салдарынан 20-дан астам ауруханаға түсіп, бір адам қайтыс болғанын хабарлаған болатынбыз.

БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында

Жазылу