АҚШ-тың қазіргі президенті Дональд Трамп Демократиялық партия атынан президенттік сайлауға түсіп отырған Джозеф Байденнен сауалнама қорытындысы бойынша бірнеше штатта басым түсті.
Огайо штаты тұрғындарының 47,4%-ы Трампты, 46%-ы Байденді қолдайтынын білдірді. Солтүстік Каролинада да қазіргі президент қарсыласынан алда келеді: дауыс берушілердің 47,8%-ы оның кандидатурасын құп көріп отыр. Сондай-ақ Джорджия, Айова штаттарында да дәл осындай динамика. Бұған дейін Байденнің Пенсильвания, Флорида, Аризона, Висконсин штаттарында Трамптан озғаны жарияланған болатын.
Ескере кететін жайт, 3 қарашада Құрама Штаттарда президенттік сайлау өтеді. Бұдан бөлек вице-президент, 35 сенатор, өкілдер палатасының жаңа мүшелері, 13 губернатор тағайындалады.
Табиғат Нұрболат
