Бүгін түскі сағат 13:15 шамасында Шымкент–Жібек жолы автожолында шағын автобус пен жүк көлігі соқтығысып, салдарынан 5 адам көз жұмды. Бұл жөнінде Түркістан облысы полиция департаментінің баспасөз хатшысы Салтанат Қаракөзова Facebook-тегі парақшасында жазды.
Оның хабарлауынша, шағын автобус алда келе жатқан жүк көлігіне соқтығысқан. Өкінішке қарай, салдарынан 5 адам көз жұмып, жүргізуші мен 6 жолаушы түрлі деңгейдегі дене жарақатымен ауруханаға жеткізілген.
Түркістан облысының полицейлері ҚР ҚК 375- бабы бойынша қылмыстық іс қозғап, сотқа дейінгі тергеу амалдарын жүргізіп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
