Сайрам-Өгем ұлттық табиғи паркінде жоғалған 7 туристің үшеуі табылды. Бұл туралы ТЖМ ресми өкілі Талғат Уәли айтты, деп хабарлайды inbusiness.kz.
"Бүгін "Қазавиақұтқару" тікұшағы Сайрам-Өгем шатқалында жоғалған 7 адамның үшеуін тапты. Олардың жағдайы жақсы. Қалған 4 турист іздестіріліп жатыр", - деді ресми өкіл.
Оның айтуынша, қазіргі таңда психологтар жоғалған туристердің туыстарына көмек көрсетуде.
"Іздестіру жұмысына құтқарушылар, полиция қызметкерлері, шекара қызметінің ат патрулі, ұлттық парк қызметкерлері және жоғалған адамдардың туыстары, "Қазавиақұтқарудың" 2 тікшағы жұмылдырылды", - деді Талғат Уәли.
Айта кетейік, кеше Төле би ауданындағы Сайрам-Өгем ұлттық табиғи паркінде 7 турист жоғалып кеткен еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
