"Қазіргі уақытта әр облыстағы полиция департаменттері жол-көлік оқиғаларына талдау жасап, көлік апаты жиі болатын яғни қауіпті аймақтарды анықтап жатыр. Анықталған соң ол жерлерге жергілікті атқарушы органдармен бірлесіп бейнебақылау камерасын орнату мәселесі шешіледі", – деді Орталық коммуникациялар қызметінде өткен брифингте Ішкі істер министрінің орынбасары Сәкен Сәрсенов.
Ресми ақпар: ел бойынша жолдарда 13 мыңнан астам бейнебақылау камерасы орнатылған. Олар жол ережесінің бұзылуын автоматты түрде анықтайды. Бүгінде ереже бұзу фактілерінің 44 пайызы бейнебақылау камерасының көмегімен анықталып отыр.
"Жол бойына бейнебақылау орнату жол қозғалысы тәртібін реттеп қана қоймай, жол-көлік апатының алдын алуға септігін тигізеді", – деді Сәрсенов.
Сонымен қатар полиция қызметкерімен тікелей байланысудың, "келісудің" қажеті жоқ.
Тасқын Болатұлы
