Шымкенттен Сарыағашқа бет алған жолаушылар автобусы жүк көлігімен соқтығысты. Көліп апаты салдарынан 1 адам көз жұмып, тағы 10 адам зардап шекті. Бұл туралы ІІД баспасөз қызметіне сілтеме жасап ҚазАқпарат хабарлайды.
"Көлік апаты 12 тамызда шамамен 17 сағат 30 минутта Алматы-Ташкент-Термез тасжолында болған. Өзбекстан азаматы оқиға орнында көз жұмды.Сондай-ақ, ЖКО-нан 10 адам зардап шеккен, олар автобустың жүргізушісі мен жолаушылары, үшеуі Қазақстан азаматы ал жетеуі Өзбекстан азаматтары. Олар Түркістан облысындағы Қазығұрт және Сарыағаш аудандық ауруханаларына жеткізілді", - делінген хабарламада.
Аталған жайт бойынша бірқатар сараптамалар тағайындалды. Полиция оқиғаның мән-жайын анықтап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
