"Қазақстанда инфляцияның айлық динамикасы 2022 жылдың наурыз айындағы ең жоғары мәннен төмендегеніне қарамастан, соңғы 5 жылдағы орташа жылдық мәндерден жоғары қалыптасып отыр. Бірқатар тәуекел-факторлары инфляцияның жоғары траекториясына әкелуі мүмкін. Олар: тауар нарығындағы дисбаланстар, сауда-әріптес елдердегі инфляцияның қарқын алуы. Ішкі сұранысты фискалдық ынталандырудың өсімі де инфляция тәуекелдерінің бір факторы саналады", – деді Ғалымжан Пірматов.
Тұрғын үй-коммуналдық шаруашылығындағы уақыты келген реформаларды жүзеге асырған жағдайда реттелетін бағалар мен жанар-жағармай бағасының болашақта өсу ықтималдығы бас банк болжамында ескерілмеген.
"Ұлттық банк инфляцияны төмендету үшін инфляциялық таргеттеу және еркін өзгермелі айырбастау бағамы режимінде дезинфляциялық ақша-кредит саясатын жалғастырады", – деді Пірматов.
Еске сала кетсек, ақпан айындағы инфляцияның жылдық мәні 21,3%-ға жетті. 2023 жылы инфляция 9-12%-ға дейін баяулайды деп күтілуде.
