Бұл туралы "Ұлттық ұландағы қызметтің ерекшеліктері" тақырыбындағы баспасөз мәслихатында ҚР Ұлттық ұланы әскери кеңесінің хатшысы Савердин Имиров мәлім етті, деп хабарлайды inbusiness.kz.
"Күн сайын 6 мыңнан астам сарбаз тәртіп сақшыларымен бірге қызмет етеді. Бұдан бөлек сарбаздарға 9 міндет жүктелген. Ол 12 стратегиялық және 3 аса маңызды нысанды күзету. Қылмыстық атқару жүйесінің 42 нысанын күзету, қылмыскерлерді теміржол және автокөлікпен алып жүру, жоғарғы және әскери сотта тәтіпті қадағалу сарбаздардың құзыретіне кіреді", – деді Ұлттық ұланы әскери кеңесінің хатшысы.
Сонымен қатар жеке құрам еліміздің 19 қаласында қоғамдық тәртіпті қадағалайды. Нәтижесінде былтыр көшеде жасалған қылмыс деңгейі 52,2%-ға төмендеді.
"Биылғы жылдың І тоқсанында әскери нарядтар 3761 құқық бұзушыны анықтады. 276 жағдайда қылмыс белгілері бар. 25 суық қару тәркіленіп, 2 млн теңгеге айыппұл салынды", – деді спикер.
