Жүргізілген тінту кезінде жалпы салмағы 100 келiден асатын марихуана және гашиштің ірі партиясы, сондай-ақ "Ақсу" автоматы және 5,45 мм калибрлі 30-дан астам патрон табылды.
Қазір ұйымдасқан қылмыстық топтың мүшелеріне қатысты қылмыстық кодекстің 297-бабы 3 және 4 бөлігі бойынша, сондай-ақ 287-бапқа сәйкес сотқа дейінгі тергеу амалдары жүргізілуде.
Ұсталғандардың барлығы уақытша ұстау изоляторына қамалды.
Сондай-ақ полиция қызметкерлері кеше облыс орталығында тағы бір қару-жарақ қоймасын анықтап, "Калашников" маркалы автоматы, "ТОЗ-63" қос ұңғылы аңшылық мылтығы, "ИЖ-58" 16 калибрлі қос ұңғылы мылтықтың және 5.45 калибрлі 90-нан астам патронның кесіндісін тәркіледі. Табылған қару-жарақтарға сот-баллистикалық сараптамасы тағайындалды.
Айта кетейік, қаңтардан бері өңірде 605 бірлік атыс қаруы тәркіленді. Оның 376-сы ұрланған, ал 229-ы – өзге де қылмыстық қарулар. Барлығы – 130 автомат, 219 түрлі тапанша, 7 граната атқыш, 1 пулемет, 58 мылтық және 190 тегіс ұңғылы мылтық, 154 граната және 22 990 оқ-дәрі.
