Коронавирус дертіне қарсы вакцинанының шығарылуы мұнай бағасын шарықтатып жіберді. Шикізат құны наурыздағы көрсеткіштерге жетті.
CNBC дерегі бойынша, Brent сұрыпты мұнай баррелінің бағасы 1,25%-ға өсіп, 48,46 доллар болды. WTI фьючерстері 1,16%-қымбаттап, қазір оның бір баррелі 45,42 долларға саудаланып жатыр.
AsrtaZeneca жасап шығарған вакцинанының тиімділігі 70-90%-ға жетеді деген жаңалықтан кейін, шикізат бағасы көтеріліп келеді. Бұған дейін Pfizer мен Moderna компаниялары өздері жасаған препараттардың тиімділі жоғары деп мәлімдеген болатын. Сонымен қатар АҚШ-тағы саяси тұрақсыздықтың біртіндеп сейіле бастауы, яғни Дональд Трамптың билікті Джозеф Байденге тапсыруы да нарыққа оң әсерін тигізіп отыр.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
