Жалақының өсуі тамақтың қымбаттауына жете алмай келеді

900

Мәжіліс депутат Еділ Жаңбыршин жалақының өсуі баяу екенін айтып, үкімет мүшелеріне сұрақ қойды. 

Жалақының өсуі тамақтың қымбаттауына жете алмай келеді

"Барлық кездесуде халықтың көтерген мәселесі – азық-түлік бағасының өсуі. Өткен айдың бір аптасының ішінде кейбір өңірлерде азық-түлік бағасының өсімі жылдық көрсеткіштің 36-47 пайызға дейінгі деңгейін көрсетіп отыр. Статистикалық деректер бойынша қазақстандықтар өз табысының жартысынан көбін алық-түлік алуға жұмсайды екен. Ал біздің азаматтардың еңбекақысының өсу деңгейі әлеуметтік маңызы бар тамақтар бағасының өсу деңгейіне ілесе алмай отыр. Осыған байланысты министрлік елдің азық-түлік балансын әзірледі ме? Кәсіпкерлер мен бюджет есебінен баға ұстап тұру мүмкін болмаса бағаны қалай реттеуге болады?", – деді Еділ Жаңбыршин.

Бұл сұраққа жауап берген Сауда және интеграция министрі Бақыт Сұлтанов азық-түліктің қымбаттауына сыртқы факторлар қатты ықпал етіп отырған тілге тиек етті. 

"Геосаяси жағдай бүкіл әлемдегі бағалардың өсуіне ықпал етіп отыр. Халықаралық азық-түлік және ауыл шаруашылығы деректері бойынша баға 20 пайыз өскен. Еуропадағы ірі экномикалардың өзі 5,7 пайыз өскен. Көршілес елдерде қымбатшшылық өсімі 15 пайыз жетті. Барлығы бізге де инфляцияның импортына әкелді. Бұдан басқа геосаяси жағдайды көріп отырсыздар. Бір айдың ішінде ұлттық валютаның да бағамына тікелей әсер етті. Құбылмалылықтың салдарынан теңге 18 пайыз арзандады. Бұл да импортпен бірге бағаның өсуіне әсер етті. Ішкі факторлар да бар", – деді ол

Бақыт Сұлтановтың айтуынша, тиісті кешенді жоспарлар қабылданған. Импортқа тәуелді алты тауар бойынша инвестициялдық жоба іске асырылып жатыр. Жыл ішінде бұл тәуелділікті төмендетуге тиісті шаралар қабылданбақ.

"Баға туралы айтар болсақ, ішкі баланс нақты бақылауда. 19 әлеуметтік маңызы бар тауарлардың қоры – 1 млн тонна. Желтоқсанда 2 млн тонна болған. Көктемге дейін бұл төмендейді. Бірақ импорт мен экспорт жағынан шектеулер қойылды. Көршілес елдерден импорттау мәселелері де қарастырылып жатыр. Қазір жергілікті атқарушы органдарға да тиісті тапсырма берілген", – деп түйді Сұлтанов.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу