Жамбыл облысының Байзақ және Жамбыл аудандарында дауыл салдарынан электр желілері үзілді, деп хабарлайды "ҚазАқпарат" ХАА.
ҚР ІІМ Төтенше жағдайлар комитетінің ресми өкілі Руслан Иманқұловтың мәлімдеуінше, Байзақ ауданында 20-дан астам электр тарату желісі құлап, салдарынан 22 елді мекен жарықсыз қалды. Жамбыл ауданында үш ауыл электр жарығынсыз отыр.
Сондай-ақ бұл ауданда жел жалпы аумағы 1500 шаршы метрден асатын ғимараттардың шатырларын ұшырып әкетті .
"Таразда 10-нан астам электр тарату желілері құлады, жарықсыз қалған абоненттердің саны анықталу үстінде. Жел 2 мың шаршы метр аумақта түрлі бағыттағы ғимараттардың шатырларын ұшырып әкетті", – деді Руслан Иманқұлов.
Бұған дейін хабарланғандай, 3 қарашада түстен кейін басталған дауыл салдарынан облыс орталығында үш адам зардап шекті. Желдің жылдамдығы 35 м/с-қа жеткен.
Апаттық бригадалар жөндеу-қалпына келтіру жұмыстарына кірісті.
