Жамбыл облысында қар басқан жолдарда қалып қойған 326 адам құтқарылды, деп жазады inbusiness.kz ТЖМ баспасөз қызметіне сілтеме жасап.
"3 қаңтар күні сағат 10.15-тен 4 қаңтар таңғы 05:00-ге дейін Жуалы, Сарысу және Қордай аудандарының өрт сөндіруші-құтқарушылары республикалық және облыстық маңызы бар автожолдардың 3 учаскесінде 326 адамды құтқарып, жақын маңдағы елдімекендерге жеткізді. Олардың ішінде 72 бала бар", - делінген ведомствоның баспасөз қызметі таратқан хабарламада.
Ақпаратқа сәйкес, құтқарылғандардың ешқайсысы да медициналық көмекті қажет етпеді.
Еске салайық, осыған дейін еліміздің 8 облысында республикалық маңызы бар жолдар әлі жабық екендігін жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
