RU KZ
Жансая Әбдімәлік, Ермахан Ибраимов мәслихат депутаты атанды

Жансая Әбдімәлік, Ермахан Ибраимов мәслихат депутаты атанды

14 Қаңтар 2021 14:52 556

Жансая Әбдімәлік, Ермахан Ибраимов мәслихат депутаты атанды
Алматы қалалық мәслихатына «Nur Otan» партиясынан депутаттар тізімі бекітілді. 

«Қазақстан Республикасындағы сайлау туралы» Конституциялық заңның 112-бабының 1-тармағына сәйкес оларды депутат ретінде тіркелу үшін тізім аумақтық сайлау комиссиясына жіберілді. 

29 кандидаттан тұратын тізімде көпшілікке таныс бірнеше адам бар. Олардың бірі – қазақстандық шахматшы, халықаралық спорт шебері және әйелдер арасындағы гроссмейстер Жансая Әбдімәлік. Сонымен қатар бокстан Олимпиада чемпионы, «Бокстан олимпиадаға даярлау орталығы» РМКК-ның директоры Ермахан Ибраимов бар. 

Бұған қоса депутаттар қатарынан танымал кәсіпкер, инвестициялық холдинг директоры Қайрат Құдайберген мен атақты медиа-бизнесмен Арманжан Байтасов та табылды. 

Олардан бөлек кандидаттар тізімінен мектеп және колледж директорлары, кәсіпкерлер, медицина мамандарын байқауға болады.

Фото: kazgazeta.kz