Жетісу облысында тасжолда жедел жәрдем көлігі жүк көлігімен соқтығысып, дәрігерлер жарақат алды, деп хабарлайды inbusiness.kz сайты.
Облыстық полиция департаментінің хабарлауынша, жол-көлік оқиғасы Алматы – Өскемен тасжолының 337-шақырымында болған.
"Ақсу ауданында "Мазда-626" жолаушылар көлігі, "КамАЗ" жүк көлігі және "JAC" минивэні (жедел жәрдем) соқтығысқан. Жол апатынан екі дәрігер зардап шегіп, түрлі жарақатпен ауруханаға жеткізілді. Дәрігерлердің бірі кейін амбулаторлық емдеуге жіберілді", - делінген хабарламада.
Көліктер арнайы тұраққа қойылды. Іс жүзінде қажетті сараптамалар тағайындалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
