Жол апаты 23 қыркүйек күні таңертең Кербұлақ ауданының аумағында Toyota Land Cruiser Prado көлігінің қатысуымен орын алды. Болжам бойынша 39 жастағы ер адам көлік тізгінінде Қоғалы-Қарабұлақ автожолының 84-шақырымында көліктің аударылып кетуіне жол бергені анықталды.
Жол апатынан жеке басы әлі анықталмаған жолаушы ер адам қайтыс болды. Жүргізуші мен жолаушы жақын маңдағы ауруханаға түрлі жарақаттармен жеткізілді. Зардап шеккендердің бірінің айғағы бойынша жүргізуші көлік жолына шығып бара жатқан атты айналып өтуге тырысқан. Қазіргі кезде айғақ тексерілуде.
Оқиға орнында Кербұлақ ауданының полиция қызметкерлері жұмысын жалғастыруда. Аталған дерек бойынша тергеу ҚР ҚК-нің 345-бабының 3-бөлігіне (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) сәйкес жүргізілуде.
