"Азаматтарды еркінен тыс жұмысқа жегу мақсатында бас бостандығынан заңсыз айырудың – 3, адам саудасының – 2, кәмелетке толмағандарды сатудың – 2, жезөкшелікпен айналысуға тартудың – 8, оның ішінде кәмелетке толмаған адамды сексуалды қызмет көрсетуге азғырудың 1 фактісі әшкереленді", – деді Қанат Нұрмағамбетов.
Оның сөзінше, жезөкшелікпен айналысуға және жеңгетайлыққа арналған "притон" ұйымдастыру мен ұстаудың 53 фактісі анықталды.
"Жезөкшелікпен айналысу және жеңгетайлық үшін үй-жай берген 21 адамға әкімшілік хаттама толтырылды", – деді Криминалдық полиция департаменті бастығының орынбасары.
Қанат Нұрмағамбетовтің айтуынша, Батыс Қазақстан облысының тұрғыны 30 жастағы әйелді 1 жыл бойы жезөкшелікпен айналысуға мәжбүрлеген. Ол жәбірленушіні қорқытып, оған жеңгетайлық жасап, клиенттермен кездестіріп отырған.
"Осы факті бойынша қылмыстық кодекстің 308-бабының 1-бөлігі бойынша қылмыстық іс қозғалды", – деді Криминалдық полиция департаменті бастығының орынбасары.
Қанат Махамбет
