Белгілі қазақстандық файтер Қуат Хамитов ұлттық құраманың Париж Олимпиадасындағы көрсеткішіне байланысты пікір білдірді, деп хабарлайды inbusiness.kz сайты.
Оның сөзінше, елде қазақ спортын дамытатын білікті басшы жоқ.
"Қазақстан спортының басты проблемасы – алдағы 10 жылға жоспарының жоқтығы. Спортты дамыту стратегиясы да жоқ. Министрлікке басшылыққа келген әрбірі өз рөлін атқарып, кетіп қалады. Кім және қашан министр болғанына қарамастан пойыз орнынан еш қозғалмайды", - деді Қуат Хамитов Instagram-дағы спорттық пабликтердің бірінде.
Айта кету керек, осыған дейін Қазақстан құрамасы Париждегі Олимпиада ойындарының жалпы командалық есебінде 43-орынға тұрақтағанын жазған болатынбыз. Отандық спортшылар 1 алтын, 3 күміс, 3 қола жеңіп алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
