Мәжілісте өткен үкімет сағатынан кейін депутат Наталья Деменьтева журналистер алдына шығып, осы мәселе бойынша пікірін айтты, деп жазады inbusiness.kz тілшісі.
"Өз басым қазақша еркін сөйлеймін. Ал әріптестеріме келсек, олар жеке репититор жалдап үйреніп жүр. Үйрену әркімнің өз қолында", – дейді депутат.
Алайда ол депутаттардың "өз бетінше үйренуге жеке қаражаты жетіп тұрса да" мемлекеттік тілді үйрену үшін қазынадан ақша алу дұрыс немесе бұрыс деп айта алмайды.
"Мен қаражат туралы білмеймін. Бұл – Парламенттің шешімі. Жыл соңына таяу нәтижеге қарап көрейік. Егер оң нәтиже болса, жақсы. Ал теріс нәтиже болса, Парламент бұл қаражаттан бас тартады деп ойлаймын", – деді Деменьтева.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
