Ішкі істер министрі Ержан Сәденов автомектептер қызметіне бақылау жүргізуді ІІМ-ге қайтаруды сұрады, деп хабарлайды inbusiness.kz сайты.
"Жылдамдықты жақсы көретіндерге" жазаны күшейтеміз. Тиісті заң жобасы Сенатқа енгізілді. Сондай-ақ, мас күйінде, автокөлікті куәліксіз басқарса, 7 жылға дейін куәлік алуға тыйым салынады. Халықаралық тәжірибеге сәйкес, жүргізушілерді дайындау талаптары қайта қаралады. Өзін-өзі дайындау тоқтатылды. Автомектептерді есепке аламыз. Түлектердің қатысуымен болған апаттар рейтингін енгіземіз", - деді ІІМ басшысы Үкімет отырысында.
Министр оқу курстарын өту туралы куәліктері, медициналық анықтамалар электрондық нысанға көшірілген.
"Бірақ жүргізушілерді оқыту сапасына қатысты сұрақтар бар. Кейбір автомектептерде қажетті жағдай жоқ. Себебі – бұл саланы мемлекет бақыламайды. Бұл функцияларды Ішкі істер министрлігіне қайтаруды сұраймыз. Оған қоса автомектеп ашу үшін рұқсат беру тәртібін ауыстыру қажет", - деді Ержан Сәденов.
