/img/tv1.svg
RU KZ
Жылжымайтын мүлікті сақтандыру міндеттелмек

Жылжымайтын мүлікті сақтандыру міндеттелмек

Бұл талап бірінші кезекте өрт қауіпсіздігін қамтамасыз ету үшін енгізілмекші.  

24 Қыркүйек 2020 20:21 257

Жылжымайтын мүлікті сақтандыру міндеттелмек

Елімізде жылжымайтын мүлікті сақтандыру енді міндетті болады, деп хабарлайды Аtameken Business.  

Мұны арнамызға арнайы сұқбат берген Төтенше жағдайлар министрі айтты. Юрий Ильиннің сөзінше өрт сөндірушілер  қыс мезгілінде жыл сайын шамамен 120 мыңға жуық үйді қырағы бақылауында ұстап келеді. Солардың ішіндегі  талапқа сай келмейтіндері ендігіде сақтандыру үшін жоғары, ал ережені орындағандар сәйкесінше аз төлейтін болады.

Асқар Мамин төтенше жағдайлар министрі Юрий Ильинді таныстырды

Премьер-министр Мемлекет басшысының қайта құрылған Төтенше жағдайлар министрлігінің алдына салмақты міндеттер қойып отырғанын атап өтті.   

11 Қыркүйек 2020 14:20 289

Премьер-министр Асқар Мамин Төтенше жағдайлар министрлігінің ұжымына ведомство басшысы Юрий Ильинді таныстырды, деп хабарлайды үкімет басшысының баспасөз қызметі.

Асқар Мамин Мемлекет басшысының қайта құрылған Төтенше жағдайлар министрлігінің алдына табиғи және техногенді сипаттағы төтенше жағдайлардың алдын алу және оларды жою, тұрғындарға шұғыл медициналық және психологиялық көмек көрсету, өрт қауіпсіздігін қамтамасыз ету және азаматтық қорғанысты ұйымдастыру бойынша салмақты міндеттер қойып отырғанын атап өтті.  

«Барлық ұйымдастыру шараларын жедел өткізіп, негізгі міндеттерді орындауға кірісу қажет»,  – деді Асқар Мамин.

Ильин Юрий Викторович 1968 жылы 9 сәуірде РКФСР-дың Куйбышев қаласында туған. И. С. Қонев атындағы Алматы жоғары жалпы әскери командалық училищесін «шынжыр табанды және дөңгелекті машиналарды пайдалану жөніндегі инженер» мамандығы бойынша, Қырғыз мемлекеттік заң академиясын «заңгер» мамандығы бойынша тәмамдаған.

1992-1996 жылдары Украинаның Сумск облысының азаматтық қорғанысының курстарының оқытушысы және бастығының орынбасары болып жұмыс істеді.

1996-2005 жылдары Алматы облыстық және қалалық төтенше жағдайлар басқармаларында қызмет атқарды.

2005 жылғы наурыздан бастап – Алматы қаласы Төтенше жағдайлар департаменті басшысының орынбасары.

2011 жылғы желтоқсаннан бастап 2013 жылғы наурызға дейін Алматы қалалық Жұмылдыру дайындығы, азаматтық қорғаныс, авариялар мен дүлей зілзалалардың алдын алуды және оларды жоюды ұйымдастыру басқармасын басқарды.

2013 жылғы наурыз айында Алматы қаласы әкімінің орынбасары болып тағайындалды, 2015 жылғы қазан айында  – ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің мемлекеттік инспекторы. 2016 жылғы сәуір айынан бастап қазіргі таңға дейін ҚР ішкі істер министрінің орынбасары қызметін атқарды, генерал-майор. 

Юрий Ильин Төтенше жағдайлар министрі лауазымына тағайындалды

Мемлекет басшысының өкімімен Юрий Викторович Ильин Қазақстан Республикасы Ішкі істер министрінің орынбасары қызметінен босатылды.  

11 Қыркүйек 2020 12:12 272

Фото: ortcom.kz

Юрий Ильин Төтенше жағдайлар министрі лауазымына тағайындалды. ҚР Президентінің тиісті Жарлығы Ақорданың ресми сайтында жарияланды:

«Ю.В. Ильинді Қазақстан Республикасының Төтенше жағдайлар министрі қызметіне тағайындау туралы

Юрий Викторович Ильин Қазақстан Республикасының Төтенше жағдайлар министрі болып тағайындалсын.

Қазақстан Республикасының

                Президенті                                                         Қ.Тоқаев

Нұр-Сұлтан, Ақорда, 2020 жылғы 11 қыркүйек

№ 409»