Жалпы сомасы 87 млрд теңге жұмсалып,сәуірде ғана салтанатты ашылуы болған Түркістандағы Керуен Сарайының қабырғалары қирап жатыр. Себебі көркі көз тартар туристік нысан пенопласттан салынған болып шықты. Бұл туралы қоғам белсендісі, блогер Шыңғыс Лепсібаев Facebook желісіндегі парақшасында жазды, деп хабарлайды inbusiness.kz.
"Маған жаңадан салынған шатырдың ұшып кеткен бөлшектері туралы, жаңа футбол стадионында жүзіп жүрген ойыншылар, тас жолдардағы шұңқырларға түсіп кеткен президенттік лимузиндер туралы айтқан кезде күліп едім. Техас. Бірақ енді Түркістандағы басты жаңа нысан "Керуен-Сарай" г ... мен ағаштан емес, пенопласт пен беткі қаптамадан ғана салынғанын көзіммен көрдім", – деп жазды белсенді әлеуметтік желідегі парақшасында.
Оның пікірінше осы үшін Түркістан облысының басшылығы мен барлық мердігерден 10 жылға ешқайда кетпеу туралы қолхат алу керек.
"Жаңбыр мен бірнеше қыстан кейін бұл өте әдемі Потемкин ауылы құлап қалады. Иә, барып келуге екі жыл бар. Егер сіз кімнің есебінен, қалай салынғанын ойламасаңыз, бұл әдемі ... ",– деп қосты автор.
Сонымен қатар, блогер Түркістандағы қызмет көрсету деңгейін де сынға алды.
"Кезінде бізде туризмді дамыту бойынша ұлттық сараптамалық кеңес жұмыс істеді. Мен оның құрамында болдым. Көздерім әдемі болғаны үшін емес. Өзім барған ондаған елдерден байқағаным бойынша атап өтсем. Біріншіден, қызмет көрсету сапасы нашар. Сана-сезім тұрғысынан Түркістан кішкентай қала деңгейінде қалған. Туристік орталық деңгейіне жете қоймаған. Жергілікті халықты халықаралық сервистік компанияларға жіберіп, оқыту қажет. Екіншіден, бағалар. Ол қызмет сапасына, туризмді дамыту мақсатына да сәйкес келмейді. Жергілікті билік турист ретінде кімді көргісі келетінін әлі түсінбеген. Бұл жалдау ақысына да қатысты. Жалға алу ақысы өте жоғары. Себебі маған айына Керуен-Сарайда бутик жалдау құны 1 млн теңге тұратынын айтты", – деді қоғам белсендісі.
Сондай-ақ ол жағажайда, көгалдарда отыруға тыйым салу сынды қисынға келмейтін шешімдерге тоқталды.
"Құрылысшылар өркениетті жерлерге бармаған ба? Барлығы жабық. Қалада баратын нысандар мен дүкендердің үштен екісі жабық немесе ашылмаған. Өте оғаш және көптеген сұрақтар туындайды. Үкімет мыңдаған жыл бұрын салынған арықтарды алып тастауда. Енді тек су басу қалды", – деген автор кесенеге тоқталды.
"Айтуға сөз жоқ. Қызмет көрсету ең төменгі деңгейде. ХХ ғасырдың 60-шы жылдары деп айтуға болады. Шаң, қараңғы, лас. Экспонаттар реттелмеген, ақпарат аз, кейбір экспонаттар тіпті пакеттерде. Нысанға баруда ешқандай логика жоқ еді, әлі де жоқ. Қожа Ахмет Яссауи туралы мүлдем ақпарат жоқ. Мен туристердің тілдері туралы айтпаймын, ағылшын тілінде ақпарат жоқ. Буклеттер мен жарық жетіспейді. Мысалы, 9 жастағы балаға қызық емес. Жобаға қатысы бар адамдарды жұмыстан шығару керек",– деп қорытындылады Шыңғыс Лепсібаев.
Еске сала кетсек, Түркістандағы Керуен-Сарай жобасының салтанатты ашылуы 10 сәуірде өтті. Ел үкіметі нысанды "Орталық Азиядағы ең көпфункционалды туристік кешен" деп атады. Инвестициялық жобаны Turkistan Tourism City жүзеге асырды, кешеннің құрылысы 2019 жылдың желтоқсанында басталған. Нысанның құны 87 млрд теңгені құрады, оның жартысы үкімет қаражаты.
Құралай Құдайберген
Atameken Business Telegram каналына жазылып, маңызды ақпараттардан бірінші болып құлағдар болыңыз !
