Бүгін ел Орталық қолбасшылығының (CENTCOM) жауапкершілік аймағындағы әуе күштерін едәуір күшейткені белгілі болды, деп хабарлайды inbusiness.kz сайты.
Анадолу агенттігінің жазуынша, өңірге 300-ден аса әскери ұшақ орналастырылған.
Әлбетте, мұның бәрі Иранмен қарым-қатынастың шиеленіскенімен байланысты болып отыр.
Америкалық жойғыш ұшақтар мен әскери авиация негізінен Катардағы әл-Удейд, Иорданиядағы Муаффак әл-Салти және Сауд Арабиясындағы Сұлтан ханзада әуе базаларында шоғырланғаны жайлы ақпарат тарады.
Сондай-ақ, аймақта USS Abraham Lincoln және USS Gerald R. Ford бастаған соққы беру тобы да орналасқан. Бұл ұшақ тасығыштары әуе операцияларын жүргізуге және ықтимал қауіп-қатерге жедел іс-әрекет етуге мүмкіндік береді.
Сарапшылар "мұндай ауқымды әскери күшейту – аймақтағы жағдайдың ушығуына байланысты тежеу әрі дайындық шарасы" деп есептейді.
