Қазақстандық ауыр атлет Бейбарыс Ерсейіт Ташкентте өтіп жатқан 17 жасқа дейінгі спортшылар арасындағы Азия чемпионатында алтын медаль жеңіп алды, деп хабарлайды inbusiness.kz сайты.
65 келіге дейінгі салмақта өнер көрсеткен отандасымыз қоссайыс қорытындысында 281 келі көтеріп, чемпион атанды. Оның нәтижесі – 129+152 келі.
Бейбарыс Ерсейіттің бұл көрсеткіштері U17 санатындағы Азия рекорды ретінде тіркелді. Сонымен қатар спортшы жұлқа көтеруде де үздік нәтиже көрсетіп, жеке есепте топ жарды.
Осылайша, қазақстандық ауыр атлет Ташкенттегі құрлық біріншілігін алтын медальмен бастады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
