Банктердің активі көбейіп, капиталдары азайып кетті
Банк секторының жиынтық активтері 2018 жылдың басынан бері 3,0% ұлғайып, 1 желтоқсанда 24 876,8 млрд теңгені құрады. Активтердің құрылымында ең көп үлесті кредиттер (50,2%), бағалы қағаздар портфелі (19,1%), қолақша, аффинирленген бағалы металдар мен корреспонденттік шоттар (15,1%) иеленді.
Банк секторының жиынтық міндеттемелерінің мөлшері 2018 жыл басынан бері 3,6% көбейіп, 1 желтоқсандағы жағдай бойынша 21 896,3 млрд теңгені құрады. Банктер міндеттемелерінің құрылымында ең жоғары үлесті клиенттердің салымдары (77,4%), айналысқа шығарылған бағалы қағаздар (7,0%), басқа банктерден және банк операцияларының жекелеген түрлерін жүзеге асыратын ұйымдардан алынған қарыздар (3,5%) иеленеді. Жиынтық міндеттемелерде банктердің Қазақстан Республикасының бейрезиденттері алдындағы міндеттемелері 2018 жылдың басымен салыстырғанда 5,6%-дан 5,8%-ға дейін ұлғайды.
2018 жылғы 1 желтоқсандағы жағдай бойынша банк секторының жиынтық меншікті капиталы 2018 жылғы қаңтар-қарашада 1,6%-ға азайып, 2 980,5 млрд теңге болды.
Бизнес доллармен, халық теңгемен ақша жинап жатыр
Резиденттердің депозиттік ұйымдардағы депозиттерінің көлемі 2018 жылғы қарашаның соңында алдыңғы аймен салыстырғанда 1%-ға ұлғайып, 17 814,1 млрд теңгені құрады.
Заңды тұлғалардың депозиттері 9 461,6 млрд теңгеге дейін 1,5%-ға, жеке тұлғалардың депозиттері 8 352,6 млрд теңгеге дейін 0,3%-ға өсті.
Ұлттық валютамен депозиттердің көлемі бір айда 9 017,2 млрд теңгеге дейін 3,8%-ға төмендеді, шетел валютасында 8 796,9 млрд теңгеге дейін 6,4%-ға ұлғайды. Долларлану деңгейі 2018 жылғы қарашаның соңында 49,4%-ды құрады. 2017 жылғы желтоқсанда бұл көрсеткіш 47,7% болған еді.
Заңды тұлғалардың ұлттық валютамен депозиттері 2018 жылғы қарашада 4 714,4 млрд теңгеге дейін 8,1%-ға төмендеді, шетел валютасында 4 747,2 млрд теңгеге дейін 13,3%-ға өсті, бұл заңды тұлғалардың депозиттерінің 50,2%-ы.
Жеке тұлғалардың теңгемен депозиттері 4 302,8 млрд теңгеге дейін 1,4%-ға ұлғайды, шетел валютасында 4 049,7 млрд теңгеге дейін 0,7%-ға төмендеді, бұл жеке тұлғалар депозиттерінің 48,5%-ы.
Банктер экономиканы несиелеуді қайта күшейтті
Банктердің экономиканы несиелеу көлемі 2018 жылғы қарашаның соңында 12 863,6 млрд теңгені құрады. Бұл бір ай бұрынғы көрсеткіштен 0,7%-ға артық.
Заңды тұлғаларға несиелердің көлемі өзгермей, 7 596,8 млрд теңге болып қалды, ал жеке тұлғалардыкі 5 266,8 млрд теңгеге дейін 1,7%-ға ұлғайды.
Қайта құрылымдаудан өтетін және лицензиясынан айырылған банктердің несиелік портфелін есептемегенде экономиканы несиелеудің жылдық өсімі 8,1% немесе 942,7 млрд теңге болды.
Ешкім доллармен қарыз алғысы келмейді
Ұлттық валютамен берілген несиелердің көлемі бір айда 9 977,9 млрд теңгеге дейін 1,3%-ға ұлғайды. Олардың құрылымында заңды тұлғаларға несиелер 0,8%-ға ұлғайды, жеке тұлғаларға несиелер 1,9%-ға ұлғайды. Теңгемен берілген несие көлемі 2018 жылғы қарашаның соңында 77,6%-ды құрады, 2017 жылғы желтоқсанда бұл көрсеткіш 73,7% болған еді.
Шетел валютасымен кредиттердің көлемі 2 885,7 млрд теңгеге дейін 1,5%-ға азайды. Олардың құрылымында заңды тұлғаларға берілген кредиттер 1,4%-ға, жеке тұлғаларға берілген кредиттер 4,1%-ға азайды.
Шағын кәсіпкерлік субъектілерін кредиттеу өзгерген жоқ, яғни экономикаға берілген несиелердің жалпы көлемінің 18,8%-ы.
Салалар бойынша банктердің экономикаға берген кредитінің ең қомақты үлесі өнеркәсіп (жалпы көлемдегі үлесі 14,9%), сауда (13,5%), құрылыс (6,3%), көлік (4,7%) және ауыл шаруашылығы (3,9%) сияқты салаларға тиесілі.
Бауыржан Мұқан
