World Boxing-тің су жаңа президенті мансабын аяқтау, қоштасу жекпе-жегі және ҰОК-тегі алдағы қызметіне қатысты пікірін айтты, деп хабарлайды inbusiness.kz сайты.
Геннадий Головкин өзіне қолдау білдірген қауымға алғысын жаудырды.
– Боксты жақсы көретін жанкүйерлерге, жерлестеріме, бүкіл Қазақстанға алғыс айтамын. Алда қай жерде тұрғанымызды анықтап, дамудың жаңа бағытын белгілейміз, – деп қысқа қайырды ол.
Ал Қазақстанда қоштасу жекпе-жегін өткізу туралы сұрақты айналып өтті.
– Алдымен World Boxing ұйымының нақты позициясын түсінуіміз керек. Барлық құжатпен танысып, жалпы жағдайды толық көрген соң ғана шешім қабылдаймыз. Қазір "аяқтаймын" немесе "жалғастырамын" деп кесіп айта алмаймын. Уақыт көрсетеді, – деді GGG.
Қоштасу жекпе-жегі туралы: "Бұл тақырып – әрдайым күн тәртібінде" деп нақты айтты ол.
– Спортшы ретінде айтарым, мен әрқашан спортшылар жағында боламын. Оларға жақсы болатындай барлық жағдайды жасауға тырысамын, – деді GGG.
Головкин Қазақстанның Ұлттық Олимпиада комитеті президенті қызметінде қала беруге тырыспақ.
– Мен мұнда тек жігер беру үшін келмеймін. Спортшылардың жанында болу – мәртебе. Мен бірінші кезекте ҰОК-ті таныстырамын. Спортшыларға "Барлығы мүмкін, өздеріңе сеніңдер" дегенді жеткізгім келеді. ҰОК-та қалуға бар күшімді саламын. Мақсат та, тәжірибе бар. ХОК-пен бірлесіп, ҰОК-ті жаңа деңгейге шығардық. Позициямызды жоғалтпаймыз деп сенемін. Елдің де, жанкүйердің де қолдауын сезініп, алға қарай жүре береміз. Жоспарларымыз көп, – деп сөзін қорытындылады ол.
