Осылайша, алдағы маусымда "қасқырлар" тек қазақстандық ойыншыларға сенім артпақ, деп хабарлайды inbusiness.kz сайты.
Бұл мәліметті клубтың баспасөз қызметі растап отыр. Бұған дейін "Қайсар" футбол клубына жаңа директор тағайындалғанын да жазған болатынбыз.
– Әлбетте, өзге клубтармен бәсекеге түсу алғашқыда қиын болатын шығар, алайда кейіннен түзеліп кетеміз, – деген пікірде Олимпиада чемпионы Бақтияр Артаев.
Еске салайық, осыған дейін Қызылорда облысының әкімі Нұрлыбек Нәлібаев та клубқа легионерлер шақыру үшін ақша бөлінбейтінін, жергілікті ойыншыларды дайындауды бірінші орынға қоятынын айтқан-ды.
Қызылордалық ұжым өткен маусымда ел біріншілігінде 8-орынға тұрақтады. Биылдан бастап шетелдік спортшылар бюджет қаражатынан қаржыландырылмайтынын ескерсек, командасына легионер қосқысы келетін кез келген ұжым демеушілер тартуы тиіс.
