Бұл туралы Үкімет отырысында Энергетика министрі Болат Ақшолақов айтты, деп хабарлайды inbusiness.kz.
Энергетика министрі Болат Ақшолақовтың сөзінше, Қазақстан Германияға жылына 6 млн тоннаға дейін мұнай экспорттай алады.
"Бірақ Германияның қажеттілігі жоғары. Біз Ресей Федерациясындағы әріптестерден ресми растауды күттік, өйткені шикізат олардың шекарасы арқылы өтеді. Ауызша рұқсат алдық, жазбаша әлі алмадық. Менің ойымша, ешқандай мәселе болмауы керек", – деді министр.
Ақшолақовтың пікірінше, қазір ең бастысы – тұтынушылардың мұнайға деген сұранысы.
"Растау алғаннан кейін, көлік ұйымдары келісім жасауы керек. Бірінші партия - қаңтарда 20 мың тонна, кейін жылына 1,5 млн тоннаға дейін арттыру жоспарлануда", – деді Болат Ақшолақов.
Министрдің айтуынша, Қазақстан мен Ресей Федерациясы арасында мұнай өндіру бойынша күрделі мәселелер туындаған емес.
"Бір жылда тасымалды 1,5 млн тоннаға дейін жеткізуге болады. Жалпы біз жылына 6 млн тонна мұнай өндіре аламыз", – деп түйіндеді ведомство басшысы.
Еске сала кетсек, Германия 2023 жылдың басында ресейлік мұнайды сатып алуды жоспарлап отыр деген мәлімдемеден бас тартып, оның орнына Қазақстаннан шикі мұнай импорттайтынын хабарлаған.
