"Қару-жарақ дүкендері – бұл өз қызметін ҚР заңнамасына сәйкес қатаң түрде іске асырушы заңды компаниялар, ал қару-жарақ иесі міндетті түрде арнайы тексеруден, психикалық денсаулығына дәрігерлік тексеруден , ішімдік пен есірткіге әуестігі тексеріліп, содан кейін ғана ІІМ-нен қару-жарақты сатып алуға рұқсат алады",- деп Сергей Катонов түсініктеме берді. Ол қару-жарақ бизнесі басқа да кәсіпкерлік түрлері сияқты қазынаны толтырып және жаңа жұмыс орындарын жасап экономиканың өсуіне ықпал етеді деп атап көрсетті.
"Бүгінгі күні азаматтық және қызметтік қару-жарақ сату бойынша қызметке лицензиясы бар 85 кәсіпорында 2000-нан астам адам жұмыс істейді. Осылайша, аталған дүкендерді жабу дағдарыс жағдайында әлеуметтік қобалжуды туғызады",- деп Қазақстан қару-жарақ қауымдастығының вице –президенті атап көрсетті.
Сонымен бірге, "Қорамсақ" қауымдастығы қару-жарақ бизнесіне толықтай тыйым салу, заңсыз сатушылардың және қару-жарақ нарығының басқа, жасырын түріне әкеледі деп есептейді.
Еске сала кетсек, қоғам қайраткерлерінің бірқатары Ақтөбеде болған қайғылы жағдай жайында айта отырып, Қазақстанда қару-жарақ сату дүкендерін жабу туралы бастаманы ұсынған болатын.
Саян Абаев
