Ерлер арасындағы сапы бағдарламасы бойынша жекелей сайыста өнер көрсеткен қазақстандық спортшы жартылай финалда Өзбекстан өкілі Камронбек Исмоиловты 15:6 есебімен жеңді. Ал финалдық кездесуде Қытайдың Тайпейі командасының спортшысы Чэнь Бин-цзюньді 15:7 нәтижесімен сенімді түрде ұтып, турнирдің жеңімпазы атанды.
Айта кетейік, биыл жазда 18 жастағы Кирилл Проходов Қазақстан ұлттық құрамасының сапында Грузияда өткен әлем чемпионатына қатысып, командалық жарыста Франция құрамасын жеңу арқылы қола жүлдеге қол жеткізді.
Бұл тарихи жетістікке Руслан Курбанов, Кирилл Проходов, Вадим Шарлаимов және Эльмир Алимжанов ел намысын қорғап, үлес қосты.
Сондай-ақ, Кирилл Қазақстан құрамасымен бірге 4-6 желтоқсан аралығында Ванкуверде өткен Әлем кубогына қатысып, 26-нәтиже көрсетті.
