Кезекті жұдырықтасу аяқталысымен, жүргізуші Билли Джо Сондерсті ортаға шақырып, сұхбат алды. Өз салмақ дәрежесінде талай жүлде алып, біршама белбеуге қол жеткізген Сондерс Геннадий Головкинді кездесуге шақырды.
"Маған қазақ жанкүйерлері қатты ұнады. Олар боксты жақсы көреді. Мен дәл осы "Барыс Арена" спорт кешенінің ішінде Геннадий Головкинді кездесуге шақырамын. Геннадий, мен сенің жеріңе келіп тұрып, сені жұдырықтасуға шақырып тұрмын. Ертең мен Фрэнк Уорренмен кездесіп, бір шешімін айтамын. Қазақ жанкүйерлеріне тамаша кездесу ұйымдастыруымыз қажет", – деп ағынан жарылды.
Айта кетуіміз керек, 6 шілде күні "Барыс Арена" спорт кешенінде Жанқош Тұраров WBO тұжырымы бойынша аргентиналық Мауро Годоймен жұдырықтасып, осы нұсқаның чемпионы атанды.
Ермұхамед Мәулен
