Премьер-министр Олжас Бектенов көктемгі дала жұмыстары кезінде әр облыс үшін бекітілген лимитті қатаң бақылауды тапсырды, деп хабарлайды inbusiness.kz сайты.
"Жалпы, былай қарасақ, су тапшылығы болады. Қазірдің өзінде көріп отырмыз ғой. Сондықтан әр облыс үшін бекітілген лимитті қатаң бақылау керек. Министрліктің рұқсатынсыз бір тамшы су берілмеуі тиіс. Шардара су құбыры қашан дайын болады?", – деп сұрады Үкімет басшысы.
Су ресурстары және ирригация министрі Нұржан Нұржігітовтің сөзінше, 1 шілдеде толық аяқталады деп жоспарланып отыр.
"Қаражат 100 пайыз шешілген", – деді ведомство басшысы.
Олжас Бектенов бұл вегетациялық кезеңде өте маңызды мәселе екенін баса айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
