/img/tv1.svg
RU KZ
Тимур Құлыбаев құрылыс саласы жеткізушілерінің тізілімін құруды тапсырды

Тимур Құлыбаев құрылыс саласы жеткізушілерінің тізілімін құруды тапсырды

Бұл шара нарықтағы баға белгілеудің шынайы саясатын қалыптастырады.

10:12 12 Сәуір 2017 1625

Тимур Құлыбаев құрылыс саласы жеткізушілерінің тізілімін құруды тапсырды

Автор:

Саян Абаев

Мемлекеттік сатып алулар рәсімінің бітпегендігін пайдаланып, құрылыс саласының жекелеген жеткізушілері өз қызметтерінің бағасын төмендетуді қолдан жасап отыр.  Құрылыс нарығындағы нақты бағаны ескермейтін баға белгілеу жүйесі ақыр аяғында бәсекелестік ортаны құртады. Бұл проблема ҚР КҰП төралқа төрағасының төрағалық етуімен өткен  жиында көтерілді.

Құрылыс саласында баламалы бағаны қолдану үшін ұлттық палата мемлекеттік органдармен жеткізушілер тізілімін жасау мәселесін қарастырмақшы, бұл тізілімге отандық өндірушілер  және келешекте импортерлар мен дистрибьюторлар кіреді. Ұлттық палата басшысы Тимур Құлыбаев осындай тапсырма берді.

«Тізілім нақты статистиканы қалыптастыру үшін сенімді бірыңғай база болмақ, сол сияқты құрылыс саласында баға белгілеудің шынайы саясатын қалыптастыруға негіз және құрылыс процесіне қатысушылар үшін ыңғайлы платформа болады», – деп мәлімдеді кәсіпкерлердің ұлттық палатасынан.

Сонымен бірге  жеңімпаз-компаниялар тізімін құру үшін аймақтақ кәсіпкерлер палатасы арқылы мемлекеттік сатып алулар бойынша соңғы бес жылда салынған құрылысқа сараптама жасауға тапсырма берілді.

«Ресми статистика бойынша салада жұмыс жасап жатқан субъектілердің саны 60 мыңнан асады. Осыған қарамастан қауымдастықтардың нарықты қамтуы айтарлықтай емес. Осыған байланысты құрылыс саласында өзін-өзі реттейтін ұйымды құру және мемлекеттің жарты міндетін бәсекелестік ортаға беру туралы мәселені инвестиция және даму министрлігі басшылығының талқылауына беру керек», – деп атап көрсетті КҰП.

КҰП алдында «ҚазҚСЗИ» АҚ-тың жекелеген міндеттерін салалық қауымдастық және компаниялардың салалық мүмкіндігін, сондай-ақ сәулет, құрылыс және қала құрылысы саласында салалық кодексті құру мәселесін дайындауды есепке ала отырып, бәсекелестік ортаға беру бойынша ұсыныс дайындау міндеті тұр. 

Кәсіпкерлер палатасы «Нұрлы жер» бағдарламасы бойынша  жұмысты, сонымен бірге құрылыс саласында мемлекеттік сатып алуларды қазынашылық механизмдер тұрғысынан алып жүруді қысқартатын ілкі жобаларды ( 2017 жылдың наурыз айында Астана, Қарағанды және Ақмола облыстарында іске қосылған) жалғастырады.

«Бүгінгі күні қолданыстағы заңнаманың өзі ілкі жобаларды іске асыру шеңберіндегі құрылыс процесіне қатысушыларға бейімделген. Сонымен бірге құрылыс саласына қатысушылардың қосымша сұрақтары ілкі жобалардың іске асырылуына қарай шешілетін болады. Ілкі  жобалардың өту процесі үнемі ҚР үкіметінің бақылауында болады», – деді КҰП.

Еске сала кетейік,  2016 жылдың желтоқсанында кәсіпкерлердің ұлттық палатасы мемлекеттік сатып алу рәсімін өткізу барысында барлық жеткізушілердің қазынашылық органда арнайы есепшот ашу қажет еместігі туралы айтқан болатын. Яғни арнайы есепшотты тапсырыс беруші- бас мердігер- қосалқы мердігер тізбегі бойынша ашу ұсынылған еді.

Саян Абаев, Гүлназ Ермағанбетова

Тимур Құлыбаев Алексей Луценконы жеңісімен құттықтады

Қазақстан құрамасының көшбасшысы әрі «Астана» командасының шабандозы велокөпкүндіктің алтыншы кезеңінде мәреге бірінші келді. 

04 Қыркүйек 2020 09:08 939

Фото: olympic.kz

Қазақстан Ұлттық Олимпиадалық комитетінің басшысы Тимур Құлыбаев әйгілі «Тур де Франс» велокөпкүндігінің алтыншы кезеңінде  топ жарған қазақстандық велошабандоз Алексей Луценконы жеңісімен құттықтады, деп жазады Қазақстан Ұлттық Олимпиадалық комитетінің ресми сайты.

«Алексей, бүгін Сіз барша олимпиадалық отбасыға, барша жанкүйерге көптен бері жетіспей жүрген керемет көңіл-күй сыйладыңыз. Жеңістің бағасы әдеттегіден де арта түсті. Қазақстандық велошабандоздың 10 жылдан соң әйгілі көпкүндік кезеңінде жеңіске жеткені сіздің көшбасшылық қабілетіңізді айқындай түседі. Олимпиада ойындары кейінге шегеріліп, оқшаулау кезеңі бірнеше айға созылып, жаңа маусымға дайындық үй жағдайында өткен қиын кезеңнен соң спорттық бабын жоғалтпау – нағыз чемпион мен құрама көшбасшысына ғана тән қасиет. Гранд Турдың келесі кезеңдерінде қазақстандық командаға шын жүректен сәттілік тілеймін. Бұл жеңіс Қазақстан олимпиада құрамасы атлеттерінің алдағы жетістіктеріне жол ашсын», – дейді ҰОК басшысы.

Айта кетелік, Қазақстан құрамасының көшбасшысы әрі «Астана» командасының шабандозы велокөпкүндіктің алтыншы кезеңінде мәреге бірінші келді. Ол 191 шақырымды 4 сағат, 32 минут және 34 секундта жүріп өткен. Бұл қазақстандық спортшының «Тур де Франстағы» алғашқы жеңісі.   

Билік тәркіленген 4 ағаштың тағдырын шешуде

Дұрыс рәсімделмеген ағаш абыройдан айыруы мүмкін.  

15 Тамыз 2020 15:04 1889

Ауыл-аймақта езу тартқызар, кейде шытырман оқиғалар болып тұрады. Соның бірі Ақмола облысының Ақкөл ауданында болды. Осыған байланысты аудан әкімдігінің өкілі қаржы министрі Ерұлан Жамаубаевқа жүгініпті. Ол Үкімет мүшесінен ары қарай не істеуге болатынын нақты түсіндіріп беруді өтінеді.

«Ақкөл аудандық сотының шешімімен 4 ағаш түрінде мүлік тәркіленді. Сол шешімге сай өсімдіктер аудан әкімдігінің коммуналдық меншігіне беріліпті. Біз оны қабылдап алдық. Содан кейін ағаштарды жергілікті жері бойынша ауылдық округ балансына қою туралы қаулы қабылдадық. Ары қарай не істейміз? Әр жерден сұрадық, ешкім де жөнді жауап бере алмады. Қалай жасағанымыз дұрыс? Оларды сатуымыз керек пе? Ағаштардың саудасын кім өткізеді? Мүмкін, оларды жай есептен шығара салуға болмас па екен. Немесе ары қарай кесіп әкетуі үшін ауылды жылытатын коммуналдық кәсіпорынға табыстауға бола ма? Жалпы, тәжірибе қандай? Тәркіленген ағаштарды одан әрі не істеуші еді? Қандай ережелермен реттеледі?» – деп сұрақ жаудырды министрге хатында Ақкөл аудандық экономика және қаржы бөлімінің басшысы Айжан Даукенова.

Бұған Қаржы министрлігінің Мемлекеттік мүлік және жекешелендіру комитетінің төрағасы Бақытбек Тәшенов жауап берді. Ол аталған мәселені министрлік қарағанын жеткізді. Машақаты көп көрінеді.

«Тәркіленген мүлікті сату немесе оны коммуналдық кәсіпорынға табыстау қандай ережелермен реттеледі дегенге келсек, «Мемлекеттік мүлік туралы» заңына сәйкес, аудандардың жергілікті атқарушы органдары коммуналдық меншікке айналдырылған мүлікті есепке алады, бағалау жүргізеді және ары қарай пайдалана алады. Ондай мүлiк тиiстi сот актісі негізінде есепке алынады. Бұл үшін Актілерді есепке алу кітабы жүргізіледі. Ол кітапта тәркіленген мүлікті тізімдеу, бағалау және қабылдау-беру актілері тіркеледі. Есепке қабылдап алғаннан кейін жергілікті атқарушы орган ол мүлікті бағалап, бағасын анықтауы керек. Тәркіленген мүлікті ары қарай пайдалану үшін оны сату керек. Аталған заңның 213-бабына сәйкес, тәркіленген мүлік сауда ұйымдары және аукциондар арқылы өткізіледі. Егер өтпесе және әлеуметтік қызмет нысандары тарапынан сұранысқа ие болмаса, онда жергілікті атқарушы орган шешімімен ондай мүлік жойылады», – деп түсіндірді Бақытбек Кәкімұлы.

Мемлекеттік мүлік және жекешелендіру комитетінің басшысы егер өтпесе, ол ағаштарды жою рәсімі фотоға түсірілуі және видеоға жазылуы қажеттігін де ескертті. Сондай-ақ бұл рәсімге уәкілетті органның немесе әкімдіктің өкілі қатысуға тиіс. Толтырылатын хаттамаға ағаштың әрқайсысының атауы, саны, мүмкін болса, салмағы, орналасқан жері және басқа да параметрлері нақты түсіріледі.

Бірақ сарапшылар жұртшылықты шенеуніктердің бұл тірлігіне күлмеуге шақырады.

«Әрине, қарапайым қазақстандық бұған күлетін шығар. Бірақ егер сіз шенеунік болсаңыз, қайта жыларман күйге түсер едіңіз. Өйткені соттың шешімімен әкімдіктің меншігіне берілген зат, тіпті ағаш болсын, дұрыс рәсімделмесе, қажетке жаратылмаса, ең сорақысы – жоғалып кетсе, жергілікті жердегі жауапты тұлғалардың үстінен іс қозғалуы, айып салынуы, қудалануы мүмкін. Әрі мансабына да нұқсан келіп, кіршіксіз бедел-репутациясы бұзылмақ. Меммүлікті талан-тараж етті деуі ықтимал. Әдетте «жылжымайтын мүлік» дегенде алдымен пәтер не ғимарат еске түседі. Ал Азаматтық кодекске сәйкес, жылжымайтын мүлікке жермен тығыз байланысты, яғни жылжымайтын, шығынсыз орнын ауыстыру мүмкін болмайтын көпжылдық өсімдіктер де жатады. Арнайы акт толтырмай, тіпті шіріп, құлағалы тұрған ағашты да кескізбейтіні содан», – деді заңгер Ержан Әділбек.

Жанат Ардақ