Ауғанстанда тәлібтер күшіне міне бастады. Биліктің әскерімен қақтығыстар үдеп, қантөгіс те күннен-күнге артып барады. Радикалды ислам қозғалысының ұйымы болып табылатын тәлібтердің содырлары террорлық әрекетпен үсті-үстіне жарылыс жасауда. Бейбіт тұрғындар да көз жұмып жатыр. Тәлібтер соңғы уақытта Ауғанстанның үштен бірінен астамын басып алды. Биліктің әскерін тықсыртып жібергені соншалық, қарсылықты шектеп, кейбір құрылымдары көрші ел Тәжістанның аумағына еніп кетті. Тәлібтердің топалаң шығаруына не себеп? Олардың көздегені не?
