Жыл басы – өткен кезеңді қорытындылау мен алдағы уақыттың міндетін айқындайтын мезгіл. Не тындырдық, не нәрсеге қол жетпеді деген мәселе мұндайда сарапқа салынады. Өткен жылдың барысы елімізде көптеген жай да, тосын да оқиғаларға толы болды. Талай жұмыс та атқарылды. Сол атқарылған жұмыстардың есебі беріліп жатыр. Ведомство басшыларының Мемлекет басшысына есеп беріп, атқарылған жұмыстармен таныстыратын кезі әдетте осы қаңтар айының іші.
